今個元旦好暖丫

成晚無訓，無非都係驚唔知醒一早打去約醫生，（希望可以約早D），好可惜booking已經一早fulled，不過肥妹又好似正常左，我念緊唔通真係D糧唔啱佢食，尋晚佢偷食左少少（係lam左少少）雞雞，跟住夜D就黎料，但係啱啱痾左督又無血喎，都係再觀察耐D先再行動，之前痾D柿柿都唔係咁靚，尋晚比左益生菌佢食，今朝痾左靚柿，咁食完早餐又餵多次，V V無血，睇下下一督會係咩（可以開個盤，靚1:1，唔靚1:1）。。。。

今朝趕住要去輪米，沖沖忙忙打點，點知就係我刷牙的時候發生左意外，個肥妹竟然跌左入廁所，都唔知好嬲定好笑，似乎跌入廁所係作為一隻鴨的必經人生階段，拿拿臨良滾水6腳咁同佢沖涼，都未全乾就要出門口，唯有開左暖爐由佢慢慢烘乾，好彩阿媽剛剛番到，叫阿媽同佢用風筒再吹下，唔知係咪趕得齋嚇親佢，今晚見佢開始痾血，同肥肥上次膀胱炎的特徵一樣，上次肥肥又係沖完涼果晚開始痾血，究竟問題出係邊?!係沖涼果位人兄出錯，定係真受驚過度?!好明顯聽日又要再去輪米啦，我一係就搬係診所隔離，一係就將所有鴨寄養係診所，唔係真係頂唔順，一波未平一波又起

2007年回顧

今年極之唔利我班鴨，唔係呢個生病，就呢個有事，唯一係年尾比我標到個尾會，揾到生平第四位會員，終於夠腳可以組成一枱麻雀，快D合埋眼過左佢算了，2008年重新開始!!所有衰氣過晒，好野就會不斷湧埋黎

祝各位新年快樂，新一年好事接踵而至