肥仔肥妹日

今日係禾愛兒踏入7歲大關，禾祝願佢有更多的7年，一定要身體健康，丫媽錫晒你～今日還有另一位壽星貓兒，便是禾的愛囡肥檬，禾亦祝願佢係彩虹橋過得快活過神仙～

以往每年今日，禾都稱之為肥仔肥妹日，以往怕肥仔小氣，一向都好少提及佢的生日，成日都驚佢養唔大（大迷信），因為肥檬的離世，禾改變了禾的想法，生命不在乎長或短，禾要令牠們在存活下來的每一天感到滿足和開心，貓奴原本打算為4月之星開一個生日會，可惜皇雀會／美滿會／帝國會拒絕貓入會的申請，所以只能在家慶祝，為補償過往的生日，貓奴特別為肥仔準備一個小型宇治抹茶心太軟，可惜最後係一個焗燶左的燒餅，貓奴會繼續努力，直至成功做到一個抹茶心太軟為止～

在此亦順祝另一位4月之星肥鯨生日快樂，貓體健康～

給我最親愛的女兒，爸爸和媽媽永遠都愛你，即使你的肉體已煙消雲散，但你的容貌、聲音、動作、形態.....永遠也留在我們的心裡，永不磨滅，你永遠也是我們家庭中的一份子，你的地位沒人能代替，如果你聽到媽媽的AC，請你回來看看我們吧，屋企的大門永遠為你而開，當你去到彩虹橋無需再匿埋，無人會欺負你，可以開開心心自由自在地食食食和玩玩玩，媽媽最喜歡看見你食餅和飲水，你要回來探媽媽，媽媽好掛住你～

We all love you and miss you~

Rest in peace~
18 March 2007 - 12 November 2011

矇矇

Goodbye to 檬檬～

My dearest Mong Mong
18 March 2007 - 12 November 2011
4.95 kg

再見了檬檬～媽媽永永遠遠會記住你，懷念你，記著你的一舉一動，，你温柔的叫聲（mi..喔）和每晚都要上床幫媽媽做按摩（搓搓搓），你在媽媽心目中是一隻不可多得的貓兒，在媽媽心目中的份量絕不會比其他貓低，你堅信自已是一隻貓，安份守紀地做一隻乖乖貓，媽媽最喜歡看著你食餅餅和飲水，你是最無要求，性格最好最可愛的三色貓，媽媽一生一世都不會忘記的，遇上你是我的幸運，拉囡拉心乾，你永遠也是媽媽的寶貝～

再見了～原諒媽媽吧～原諒媽媽做錯了一個決定，原諒媽媽沒有在你恐惧和離開的時候陪伴在你身邊，原諒媽媽讓你孤單地離開～

肥檬的職業。。。

肥檬其實是一名代客泊車員，每當我一開書房門，肥檬就會第一時間用個pat pat向住個書架的呢個位置，由尾向後吞，慢慢泊入呢個位，完全唔使裝鐵將軍的後車雷達，跟住就覺覺豬zzzzz....

Happy Birthday to 肥檬~~

今日第一次係新屋沖貓，特別選中左今日牛一的肥檬泥做白老鼠， 實在太耐無沖的關係（相距上一次白白豬都有半年），今次沖左好多死毛出泥，沖完成隻貓好似細左個碼，由於係新環境，肥檬表現得有少少驚，個心跳得好快，全程叫到好似劏豬咁聲，不過間沖涼房尚有好多改善的空間，我要研究下先可以再繼續沖其他鴨。。。其實不單只感覺到肥檬真係瘦左，肥肥亦都情緒起伏得好緊要，無間斷去睇醫生食葯，我個心好痛，我想只從十三出世之後，不論我或工人，的確對班鴨的關懷少左，忽略左佢地，而且十三的喊聲亦令到肥肥有點不安（加上又搬左屋），未生之前，工人幫忙打理佢地，下午工人得閒又會餵小食比佢地，我放工番到屋企又會開罐罐。。。開宵夜，永遠將佢地放係第一位，而家全屋人的注意力習中晒係十三身上，十三一喊，工人就飛撲過去抱佢，不論是meet緊雞柳or剷緊砂盤，呢d輕微的舉動，都令到班鴨好敏感，以為唔理佢地，而家個終於放低左個肚，坐完月子，可以再重新掌管番呢班鴨的起居飲食痾，要努力調理番呢班鴨的身體和心靈，加油加油加油!!!

全新二手搖搖椅

一張丫B唔訓都要買ge搖搖床，實在太受歡迎la，原本係全新，而家變成二手，只能講句：有買貴，無買錯～

肥檬被人撩丫～

肥檬被人撩丫～邊個咁沙pop，咪就係一隻來自遠方的黑白色雀，不過當時佢兩個相隔住一塊玻璃窗，當時黑白色雀用個硬嘴敲個玻璃，敲到咯咯聲，但係肥檬又自顧自梳理蟠桃仔d毛，唔啋人，搞到人地無引飛走左lu，人地飛走左，我問佢：做乜唔理人丫，佢先on高頭周圍望：邊個丫，無人丫～真係被佢吹漲，都唔知話佢遲頓丫定係單純～

逐＂檬＂令

肥檬乜你咁失策丫，已經第三次啦，又係張床到賴尿尿，今次激到檬嗲好嬲丫，要下逐＂檬＂令，話唔再比肥檬上床喎，梗係啦，你次次都專登賴係檬嗲訓果邊，你明知你檬嗲最要乾淨，你話點算呢，雖然我依然會親檬嗲唔係度靜雞雞做二五，繼續同你每晚上床玩損山lone，但係紙包唔住火，你要快d 念下計仔dum番檬嗲先得啦

生日會拼慶功BBQ大會

今日無神神落左成日雨，尋日明明陽光樂譜照，不過仍無損我BBQ的興致，因為今日係我個肥仔同肥妹的大日子，Happy Birthday to Toffee & Fat Mong～～

雖然外面橫風橫雨，但係各位仍然冒著風雨赴會，還準備左好多禮物黎tum我個肥仔，還有菲菲仗義幫我老遠枱個蛋糕黎，義姐的唔似貓唔似狗奶凍，真係好多謝咁多位朋友仔，多謝晒，感激不盡～

肥熊哥好叻仔丫，今朝一早就打晒d鼻涕出黎，以免失禮街坊，不過今日肥熊哥心情馬馬地，唔知係咪比落雨天影響左呢

肥熊哥：你好快D同我除左頸果條野，唔係我叫丫哥吞左佢，吼～唬～～

祝福雨位少主，貓體安康，繼續肥肥白白，我一定會記得每天為你們添滿糧兜

一齊去拆禮去啦, go go go

觀乎佢地揀禮物的取向，就流靈出佢地的性格，肥檬鍾意食，所以偏向揀食物，肥肥鍾意訓覺，所以佢第一時間霸左張床墊，至於我個百厭仔，就更係揀呢樣啦

母女同心，其利斷金

話說呢張Siu安娜地毯已經存在左一斷日子，不過我一直都無開出泥用，今日一開，估唔到王母娘娘竟然對佢寵幸有嘉，成個訓左上去唔肯行開，原來王母娘娘亦都係一名死硬粉絲，同佢阿媽我一樣咁有品味，good girl

王母娘娘：um...Anna, I like it

你地唔好同我掙丫，係我架

警警又出動啦，砵砵

新紥師妹，檬檬小女警報到，不過阿囡你檬埋對眼又點渣車車呢

Party @ OMG

BB 編

B哥哥：小米，唔水驚架

B哥哥：你睇下佢檬埋對眼，睇你唔到呢~~
媽咪編 －Yoyo

家姐編－肥檬

細佬編 －小米

妹妹編－今個party的主角，寶寶

家庭合照，一個字（（亂）） 照鏡編

檬：我係咪照緊鏡丫

教你分A貨同正貨王母娘娘，睇面仔D pattern就分到啦

叫A貨ge小朋友請舉手~~

我係忍者小靈精