薯嘜x-ray

30度，天晴，勁晒，今日好不幸，又要帶肥肥去見Dr. Ewa，因為佢嘔左幾日，兩行鼻涕條條fing，不得不屈服 ，一放上枱，探完熱知道無發燒，就見Dr. Ewa猛摸肚仔，個表情怪怪，跟住拍第一張X-ray，出去等等，之後Ewa走出黎問：佢今朝食左好多野呀，鴨媽：（（流汗中））食左小小咁啦，之後再拍多張X-ray，大家估下見到咩．．．．係X-ray之下真係呃唔到人，成個胃仔同小腸都塞滿晒餅餅，係塞滿晒，望埋去係漲嘟嘟迫實晒，但是條大腸係無野喎，Dr. Ewa就覺得好奇怪，（（我心念：更係啦，條肥仔嘔完痾完再去食過）），根據X-ray片，發覺腹腔膜和內臟明顯有條空隙，正常肥貓肥極都無理由會有條空隙，所以要食約兩星期後番黎再照X-ray，睇下有無進展，肥仔今次真係食出禍!!