薯嘜x-ray
30度，天晴，勁晒
，今日好不幸，又要帶肥肥去見Dr. Ewa，因為佢嘔左幾日，兩行鼻涕條條fing，不得不屈服
，一放上枱，探完熱知道無發燒，就見Dr. Ewa猛摸肚仔，個表情怪怪，跟住拍第一張X-ray，出去等等，之後Ewa走出黎問：佢今朝食左好多野呀，鴨媽：（（流汗中））食左小小咁啦，之後再拍多張X-ray，大家估下見到咩．．．．係X-ray之下真係呃唔到人，成個胃仔同小腸都塞滿晒餅餅，係塞滿晒，望埋去係漲嘟嘟迫實晒，但是條大腸係無野喎，Dr. Ewa就覺得好奇怪，（（我心念：更係啦，條肥仔嘔完痾完再去食過）），根據X-ray片，發覺腹腔膜和內臟明顯有條空隙，正常肥貓肥極都無理由會有條空隙，所以要食約兩星期後番黎再照X-ray，睇下有無進展，肥仔今次真係食出禍!!Labels: 隧道小肥龍
posted by Ah duck @ 6/21/2007 07:22:00 PM
9 comments
9 Comments:
@_@ 肥肥學古古力食衫??
我知我知, 係......一堆屎 !!!!
空隙??唔明,乜黎架?食藥係幫助消化?
噢,肥肥好驚無得食咩?食到嘔肚仔脹晒都要繼續食,照計咁食法應該知飽架喎,好怪丫.
um...肥肥喪食,古古力怪食,阿mei唔食...古怪行為都同食有關...um...你餵貓的習慣好特別?點解佢地會咁既?聽日傾傾丫.
我其實都係放長糧，無咩特別，條肥仔衰為食，乜都有佢份食，得閒無事做就走去食野，條空隙的出現，Dr Ewa有兩個睇法，(i)可能係佢消化不良，咁多餅餅塞入去令腸管迫埋一齊，或吞左唔應該吞ge野塞住左條腸，食抗生素、益生菌、Vit B、止嘔兩個星期，等佢D腸腸蠕動下放鬆D，再照如果都係咁就要驗血lu，因為(ii)驚佢係個肝脹大左橕開左個腹膜，所以要減糧啦
鴨鴨..妳好叻呀!!
比我一早嚇暈咗响診所喇(=.=)"
希望肥肥食咗藥藥就通番條腸腸啦!!
我睇左幾次都唔明條空隙係邊一個位置, 不如你畫張stretch睇下.
另外, 如果3隻貓既問題都同食有關, 可唔可以考慮定時定量唔放長糧呢?
要食排毒美顏寶先有效架......
係喎....3隻都同食有關的...你屋企係咪有d食物放左係病位? (哈哈~我講笑中,你唔好又sor到當真呀!)
咁而家肥肥點呀?夠一個星期啦喎...無事了嗎?
一照之下．．．正常晒!!
其實心知佢係無乜野，但咁樣比佢講一講，唔照個心又羅羅攣
咁啱ah mei隻眼有小小發炎，又到期要打針，埋單成為一千個大洋XDDDDDDDD
Post a Comment
<< Home