肥仔肥妹日

今日係禾愛兒踏入7歲大關，禾祝願佢有更多的7年，一定要身體健康，丫媽錫晒你～今日還有另一位壽星貓兒，便是禾的愛囡肥檬，禾亦祝願佢係彩虹橋過得快活過神仙～

以往每年今日，禾都稱之為肥仔肥妹日，以往怕肥仔小氣，一向都好少提及佢的生日，成日都驚佢養唔大（大迷信），因為肥檬的離世，禾改變了禾的想法，生命不在乎長或短，禾要令牠們在存活下來的每一天感到滿足和開心，貓奴原本打算為4月之星開一個生日會，可惜皇雀會／美滿會／帝國會拒絕貓入會的申請，所以只能在家慶祝，為補償過往的生日，貓奴特別為肥仔準備一個小型宇治抹茶心太軟，可惜最後係一個焗燶左的燒餅，貓奴會繼續努力，直至成功做到一個抹茶心太軟為止～

在此亦順祝另一位4月之星肥鯨生日快樂，貓體健康～

迫爆貓～

好耐都無出現過啦，兩兄弟又表演春光乍貓，屋的空間細左，活動範圍小左，大家的關係反而變得親密左，禾喜歡這種感覺，是溫暖的，溫馨的，所以禾十分唔捨得賣掉這小屋子，放租也唔捨得，可惜下個月又要回歸大而無當的房子～

hello~~

9月份油鴨指數。。。。

油鴨指數係

Mei 3.67kg
芝古 4.94kg
Toffee 5.28kg
肥檬 4.31kg

見佢地油淋淋，同佢地沖下涼，點知可能太耐無沖，有隻肥鴨受驚過度，病了。。。so sad，過了一個多星期，終於好番，一好番就周圍撩事鬥非～

第一類接觸

自從搬左黎新屋，呢個睇電視位就被肥仔強佔左，每日都見到佢好c服咁係度覺覺豬，仲要扮人咁訓，真係頂佢唔順，是日一落樓下見到佢又係咁訓，即刻將十三放埋一齊， 肥仔初初掛住訓又無發覺喎，跟住越放越近，終於有少少反應。。。。

你我相隔多麼遠。。。。

再放近d。。。。

開始發覺有唔妥，有股小宇宙係頂輪到散發緊。。。

終於都發覺多左舊野啦，真係遲頓 XD

全新二手搖搖椅

一張丫B唔訓都要買ge搖搖床，實在太受歡迎la，原本係全新，而家變成二手，只能講句：有買貴，無買錯～

葯編

Phenoxybenzamine (Dibenyline) cap 2.5mg＞＞係Dr Jenni之前開比肥公公放鬆膀胱ge葯，side effect係會令到血壓低少少，Dr Chun懷疑呢隻野令到肥仔暈低左

Marbofloxacine (Marbocyl) 20mg>>呢隻抗生素，肥公公一食左，d鼻涕就會消失

今朝肥公公仲未肯開口食野，念緊好唔好餵葡萄糖水佢飲，下午請左半日假去成成度羅葯，可惜去到佢拉左閘放飯，咁唯有番屋企hea下先，番到去又餵幾粒sheba比肥公公，餵餵下見佢食得幾順，就羅碟餅餅比佢，點知個傻仔死都要我hand feed，咁當然佢大晒架啦，佢話乜就乜架啦，feed feed下feed左成碟餅餅，我真係鬆晒，佢終於都開口食番野，下午診所一開門咋咋淋扑去羅葯～

呢兩日見佢病，開左罐AD比佢，神奇地佢竟然唔鍾意食，一定要食干干，結果罐AD益左隻傻mei芝古同肥檬，肥檬合埋眼係咁食食食。。。我念佢食左半罐都有，被佢幾隻野激死～食乜都好，一定要快d變番以前ge小肥龍，病左幾日又成個瘦晒啦~~

發情－＞尿道炎－＞流鼻涕兼鼻塞
幾廿飯野一齊黎，今朝餵葯，都未食完，已經嘔番晒出黎，啪一聲訓低左然後抽筋，我唯有攬住佢同佢初番個身同手腳，十秒之後就淸醒番，仲係枱面跳左落地走左上我張床度休息，呢排鼻塞塞，已經無乜胃口食野，又成日被丫四煩住晒，佢話好辛苦，以往Dr Tom開果d抗生素，會連個鼻鼻都一齊醫好，因為今次第一次睇Dr Jeanni，佢對肥公公全無認識，所以今次d抗生素係最無料到果隻，只係同佢消左尿道炎，醫唔到個鼻鼻，我見到包葯都知道乃野，不過佢有佢道理，當時未驗尿，又無鼻水，加上乜history都無，真係唔會敢開勁ge抗生素，睇黎我要同Dr Jeanni傾下，羅埋以前種菌d report被佢，相比起其他診所，成成個葯庫較多較齊全，希望係成成度，可以揾到一隻啱肥公公食ge葯，唔使再四圍頻撲，好醫生可遇不可求，所以退而求其次，唯有選擇診所的規模、設施和葯庫，so sad~

真係被肥公公笑屎禾~今朝一早起身，整定個吉沙盤被肥公公痾尿，等左一朝都唔見佢去痾，到左點幾，丫四出發去XX公司，著鞋咩袋。。。隻腳都末踏出門口，肥公公即刻靜雞雞竄入廁所痾左督大尿，佢原來拍左丫四，等佢唔係到煩住晒先肯去痾，鬼咩，呢兩日丫四起勢追住佢又灌水、又抹身、又（目及）住佢去沙盤，搞到佢煩到死，真係傻仔泥，佢一早講我咪叫丫四一早出門口羅，唔使忍咁耐，我又唔使呆等左一朝，一羅到尿咋咋啉拎去成成度驗，夜晚醫生call我，話驗到有少少菌，無提到有crystal，應該係尿道驗，咁繼續食埋d葯睇下點再打比醫生，先考慮使唔使re-visit，肥公公真係唔受得壓力，我都唔知搬屋果時佢會點，第時老五出左黎佢又會點，真係佢有壓力，我都有壓力！！

血尿又黎侵襲我肥公公啦！

終於都逃不了，見近排咁多貓貓都患上膀胱炎，心想希望今次肥公公可以無份啦，點知。。。最後。。。都係。。。要去成成到交會費，唉～
其實佢呢排都有d 先兆，無la la 發情，成日係度喵喵喵，又咬肥檬，又成日lam古古仔，lam大脾lam到損左一撻，變到情緒好緊張，我又唔醒目，唔即時插番個小香菇，可能因為情緒受到困擾，荷爾蒙失調，搞到疑似膀胱炎又番發，真係一波未平一波又起丫，未去睇醫生前，都無痾血尿，我仲估佢可能尿道炎（lam損左），點知係成成度番屋企期間，佢就痾左督血尿係尿片，真係大乜鍋，我仲就黎要搬屋，以佢現時咁ge情況，都唔知點搬，好煩丫

仲唔比我影到!!

衝破食物鍊效應，傻mei竟然敢同肥仔企埋一齊食餅，仲食到換左隔離貓都唔知，一大躍進，要記錄係2009年鴨事回顧~

今日呢個歷史性的時刻，一定要記錄！！肥肥竟然同ah mei企埋一齊食餅餅，真係可喜可賀～

肥肥波特之消失的密瓜2

今日係無葯食ge第一日，無再嘔啦，經歷左2個多星期ge mid-night sick，今日終於停止左，辦法係，去見下佢鍾意ge醫生，再同醫生and姑娘玩下，放底多少$$，個病就會好番．．．．敗家

既然止左嘔，希望個瓜瓜面快d番黎，唔係芝古就會少左樣野比佢咬

其實覆診果日上磅，仲重過第一次去果時，只係相差3天姐．．．好驚

肥肥波特之消失的密瓜

嘔毛通常都嘔一、兩日，但係肥仔每日一嘔（通常係半夜），已經持續左多過一個星期，（我都未嘔佢反而嘔，激死～），都係睇下醫生安心d，雖然我都知係無乜料到，但係去羅幾粒止嘔葯都好丫．．．肥仔雖然日日嘔，但係磅數依然有5.36kg，醫生聽到佢個肚仔咕咕聲（更係啦，成日只係食左一條雞柳，實餓到肚仔咕咕聲啦），所以診斷為腸胃炎，但係葯都只係得一包仔益生菌（我屋企都有啦！）、止嘔葯（如我所料）、維他命B什（無食都咁好胃口，食埋仲得掂，所以通常唔食）、一包400g Sensitivity Control 干干，醫生吩咐要空肚直至第二朝才可以開始食包Sensitivity Control干干，跟本無可能，我忍唔住番到屋企比左一條雞柳佢食，到半夜再比半湯匙Sensitivity Control干干，佢一野已經掃晒，今朝開早餐，我都未出門口，佢已經掃晒自己個兜，到出門口，佢開始掃緊ah mei個兜，我叫老媽子到中午時再開多轉lunch比佢啦，陰公！！由於嘔的關係，所以呢幾日都只吃蒸雞柳，餓到佢無晒心機，個瓜瓜面凹左，一有干干佢就起勢咁食，呢個仔，食就係佢最大樂趣，可惜佢個肚仔唔爭氣，耐唔屎就黎料，我估可能呢排天氣太悶熱，間屋又焗，d干干有菌，所以食左搞到腸胃炎，夏天都係唔好放長糧，定時放三餐算～

生日會拼慶功BBQ大會

今日無神神落左成日雨，尋日明明陽光樂譜照，不過仍無損我BBQ的興致，因為今日係我個肥仔同肥妹的大日子，Happy Birthday to Toffee & Fat Mong～～

雖然外面橫風橫雨，但係各位仍然冒著風雨赴會，還準備左好多禮物黎tum我個肥仔，還有菲菲仗義幫我老遠枱個蛋糕黎，義姐的唔似貓唔似狗奶凍，真係好多謝咁多位朋友仔，多謝晒，感激不盡～

肥熊哥好叻仔丫，今朝一早就打晒d鼻涕出黎，以免失禮街坊，不過今日肥熊哥心情馬馬地，唔知係咪比落雨天影響左呢

肥熊哥：你好快D同我除左頸果條野，唔係我叫丫哥吞左佢，吼～唬～～

祝福雨位少主，貓體安康，繼續肥肥白白，我一定會記得每天為你們添滿糧兜

一齊去拆禮去啦, go go go

觀乎佢地揀禮物的取向，就流靈出佢地的性格，肥檬鍾意食，所以偏向揀食物，肥肥鍾意訓覺，所以佢第一時間霸左張床墊，至於我個百厭仔，就更係揀呢樣啦

蛋圈王

CEO又有新攪作，就係學人賣蛋圈，分別有古古力味、拖肥味蛋圈，總有一款啱你口味

古古力味

拖肥味

蛋圈CEO：老細你想要咩味丫

泰藉遊人：比五盒古古力味，攞番泰國做手信丫蛋圈CEO：等了又等，等到反轉再反轉，都係做得一單生意

賣唔去，唯有自己食晒佢。。。。

龍床不及狗竇

芝古：呢舊係乜東東

肥肥：我乜都唔知，淨係知道你想搶我個膠袋，你好行開啦，唬~~

（跟住互bear 一倫．．．．）

肥肥：你睇我手瓜粗過你大脾

芝古：係ge 係ge，大佬

嚇鬼你

哈佬喂，嚇鬼你！！

睇睇下又似一條飯剷頭

今日的第一位係。。。。。

今日試磅，高居榜首的，依然係肥熊哥
5.65 kg 肥熊
5.38 kg 古古力
4.22 kg 肥檬
3.75 kg Mei

ah mei，你要繼續努力加油先得la