K.O.

有貓友投訴，點解古古力大師咁耐無蒲頭，原因只得一個，就係被人K.O.左
實在太可惡，被人K.O.左個樣重咁得慼!!!!

足足係公司作戰左25小時，今早．．．其實都唔早，成11:00．．．番到屋企大覺訓，班鴨好生性，無反斗，比我真正的休息時間，訓到咁上下，mark大眼就見到呢個情景．．．．

ah mei已經有很長的日子無同我訓，念念下應該係好似自從肥肥入門之後，ah mei已經好少入房，今日佢竟然陪我訓左成個下晝，呢份喜悅，真係開心過出雙糧，更加重要係肥肥咁近距離訓左係佢下方，一向肥肥行近ah mei一尺範圍以內便會尖叫並自動彈開。以前只得ah mei的時候，佢朝朝都會入房叫我起身，有時夜晚都會係我窗台訓一陣再出廳扮鬼叫，後來繼古古力和肥肥相繼入門，ah mei每晚都只會係廳扮鬼嚇我地，其實早排肥肥生病時，都覺得ah mei怪怪地，佢會走去聞下肥肥，又會訓係肥肥隔離，又會主動聞肥肥個pat，又會走入我房訓係地陪我上網，時間令佢地兩姐弟的距離慢慢拉近，雖然適應的日子係比較長，差不多用左2年，不過我都好開心，期望會有更好的進展，有機會拍到一張全家福