肥仔肥妹日

今日被定為肥仔肥妹日，皆因全屋至肥果兩件，都係同月同日生，邊有咁巧合架，有理由相信凡係4月18日出生的貓，都應該係屬於肥胖形 ~　

先黎開個生日大餐，食飽飽心情靚，然後影輯靚相，（（只係貓奴一相情願）），當然最後都係失敗收場，事關兩位主腳食完大餐後精力充沛，不斷攪破壞，拆屋，最後全輯相炒晒

今晚的大餐，肥肥食到唔停口，自己一口氣食晒一個jelly杯杯，呢隻jelly 杯杯佢之前未食過架，因為佢一直都要介口，見佢生日，就無所謂啦，至於王母娘娘，就自己食晒一條雞柳，勁~

食完飽飽，開始拆屋。。。。




玩完拆屋，就係切蛋糕的時刻，因為貓奴都肚餓啦，係切餅餅之前都要裝下身ge。。。。


同場加影一條炸兩。。。。。

王母娘娘生日咁大件事，更係要有壽桃先至似樣架嗎。。。。

王母娘娘誠心向壽桃祝願，希望長食長有。。。。

不經不經肥熊哥同病魔經已博鬥左3年，以前真係驚佢養唔大，3年時間話長唔長，話短唔短，係呢3年之中大家一同面對、經歷過好多難關，好彩最後都係有驚無險，作為貓奴的我，當然係希望肥熊哥身體繼續健健康康，個鼻鼻靈靈性性，早日meet甩D鼻涕，生日會越攪越大，亦都祝願王母娘娘越大越靚，身體健康，眼仔越碌越大