DUCK記開心樂園

*posted by Ah duck @ 7/23/2011 11:44:00 PM* 0 comments

今日帶左芝古& 囧貓去打針，囧貓今年7歲，開始踏入senior的階段，所以順便幫佢做左貓生第一次的body check，其實都係驗下血，睇下身體各器官的狀況，結果都係一切正常，芝古禾就從來唔擔心，至擔心都係呢隻囧貓，成日唔肯自己食野，有次見佢自己食左好多餅餅，禾讚佢：咁咪叻囡羅，如果媽媽唔係度都要咁叻自己食，佢答禾：車，你點會唔係度jack～咁又係喎，有貓地就有禾，有禾就有囧貓，佢一直都係禾個影子泥～今日磅都好彩仲keep住有3.68 kg，芝古就keep到5.1 kg，再檢查牙仔，囧貓有牙石要安排洗牙啦，芝古呢，E起成棚牙又白又乾淨，可以去拍牙膏廣告，更係啦，禾同Vet講佢乜都咬，點會有牙石～

近排禾自己開始啪蟲草丸黎醫鼻敏感，食緊呢排確實好似好左，所以決定餵埋比同禾有相同病症的CEO食，一於有病醫病，無病補身，之後覺得不如餵埋比囧貓同王母食，反正一個瘦過隻老鼠，一個隻眼仔成日發炎～除左靈芝蟲草丸，王母以前食開的efavet 330，我近排幫佢轉左食regular，叫做keep下啦，不過今年summer實在太熱，又搬左上頂樓屋，間屋日日都焗到似火爐咁，甩毛情況越趨激烈，結果全屋一齊啪丸維生～

貓有貓食的牌子，人有人食的牌子～

王母以前食開330，而家轉食regular，叫做keep下啦～

Labels: 一團鴨

*posted by Ah duck @ 2/10/2011 11:55:00 PM* 0 comments

終於捱過左艱苦的虎年，決定重新開始，向擁有健康ge 身體出發，今年班鴨的利是錢，全部用晒係健康食品上，向Vet說不，向抗生素說不，所有鴨今年要增磅～

Labels: go shopping...., 一團鴨

*posted by Ah duck @ 3/18/2010 11:54:00 PM* 3 comments

今日第一次係新屋沖貓，特別選中左今日牛一的肥檬泥做白老鼠，實在太耐無沖的關係（相距上一次白白豬都有半年），今次沖左好多死毛出泥，沖完成隻貓好似細左個碼，由於係新環境，肥檬表現得有少少驚，個心跳得好快，全程叫到好似劏豬咁聲，不過間沖涼房尚有好多改善的空間，我要研究下先可以再繼續沖其他鴨。。。其實不單只感覺到肥檬真係瘦左，肥肥亦都情緒起伏得好緊要，無間斷去睇醫生食葯，我個心好痛，我想只從十三出世之後，不論我或工人，的確對班鴨的關懷少左，忽略左佢地，而且十三的喊聲亦令到肥肥有點不安（加上又搬左屋），未生之前，工人幫忙打理佢地，下午工人得閒又會餵小食比佢地，我放工番到屋企又會開罐罐。。。開宵夜，永遠將佢地放係第一位，而家全屋人的注意力習中晒係十三身上，十三一喊，工人就飛撲過去抱佢，不論是meet緊雞柳or剷緊砂盤，呢d輕微的舉動，都令到班鴨好敏感，以為唔理佢地，而家個終於放低左個肚，坐完月子，可以再重新掌管番呢班鴨的起居飲食痾，要努力調理番呢班鴨的身體和心靈，加油加油加油!!!

Labels: 一團鴨, 檬檬小肥豬