425抱抱會+握手會

今次ge抱抱會，就係呢間叫大胃皇舉行丫~~


這個party，邀請到幾位好有份量的主角，位位都好足秤架，真係唔講得笑，抱左唔夠一陣，隻手已經酸酸地，正所謂＂唔抱唔知夠斤兩＂@@

14磅的豹仔和力神義姐

好怕羞的毛毛B，d毛毛好靚，好白好滑，不過依然對外人有介心，成日要痴住媽媽，但係相處耐左，放鬆左，又可以比我地抱抱，真乖囡～

眼仔碌碌的小比B，好可愛丫，成日都眼仔碌碌，成個無知少年咁款，迷盡萬千少女心～



我最最最最。。。。想抱ge靚仔B，D毛量驚人，一抱上手好似攬住舊棉花咁，好好手感～靚仔B一出，位位貓色魔蜂擁而上，個個爭住抱，好似大明星咁，竟然要排隊抱抱，都係第一次，咭咭咭～



另外一位又係好怕羞ge是小白， 眼仔碌碌，好八掛咁成日周圍望，四圍＂珙＂


貓色魔四圍抽貓水，其實有貓暗地裡，進行反抽水行動，hou住佢丫媽同人吹水，就action～～

最後，當然被人就地正發，kakaka　XD


呢個高難度動作，係經過專人特別訓練，你屋企無番18萬5，都唔好亂學丫


開party，更係有好豐富ge食物，呢樹提供ge食物，真係好掂，比起上兩次貓聚更掂，奶媽真係無介紹錯，讚!

最基本ge Party三寶，菠蘿腸仔，沙律，三文治，掂



難得一聚，食下，抱下，傾下，開心下～

最緊要...全城熱爆cheat cheat cheat.....多謝maggie, 咭咭咭~~

How to tell if your cat is plotting to kill you．．．．

尋日收到個勁攪笑ge email，令我念起好耐以前的一件事，hahaha~

超級去死毛梳

近排係ebay訂左呢把梳，因為CEO太厚毛，熱到佢反晒肚，但係唔想剃毛剃到佢一忽忽，希望有把梳可以幫佢偷薄D底毛等佢可以涼快下，忽然念起呢把野，咪做下research，見佢聲稱可以去除底部的死毛而不會破壞面層的毛，即管買來試試，第一次見應該係早兩年ge寵物展，當時呢把梳剛推出市面，有個counter好落力咁推銷呢把梳，不停用把梳梳落隻大狼狗身上，好多毛一舊舊咁甩出黎，當時覺得好懷疑，會唔會整斷晒D毛架，今日開始試用，效果比想像中好，梳出黎的毛毛好幼細，梳完後層皮毛模落去個感覺好實正好令，再試下ah mei，以前一摸落ah mei就會成手毛，梳完之後就無左呢個情況，Ｄ飛飛下甩與唔甩之間的幼毛毛被把梳梳走晒，連個地板都少左毛球，我覺得如果配合埋把排梳用效果會更好。

番來羅

終於完成了十二日的北海道晒晒晒月光寶盒之旅，懷住依依不捨的心情離開，尋晚班機雖然早左40分鐘到香港，不過因為之前同xx約左9:15係機場等，所以無分別，一落機好心急想仆番屋企見下班鴨，一開門ah mei係第一個出黎歡迎我，不愧係我乖女，芝古好似怪我，肥肥點解好似肥左咁多ge，肥檬仲好鬼生猛，另外小奴發覺棵貓樹有D唔同左，原來XX親小奴不在家，重新設計過棵貓樹的層板擺位，今次XX應記一功，下次獎勵佢多十二日，呵呵呵。。。

小奴仲好努力咁堆砌緊個trip D相，睇住小小先啦，會不斷更新：

http://hokkaidojrtrip.blogspot.com/

大貓食細貓

大貓入面有細貓，細貓個腦又念住隻貓，腦海中的貓又咬住另一隻貓。。。。 見到呢張相，令我念起果D俄羅斯套娃。。。。

是俄羅斯特產木制玩具，一般由多個一樣圖案的空心木娃娃一個套一個組成，最多可達十多個

2007年回顧

今年極之唔利我班鴨，唔係呢個生病，就呢個有事，唯一係年尾比我標到個尾會，揾到生平第四位會員，終於夠腳可以組成一枱麻雀，快D合埋眼過左佢算了，2008年重新開始!!所有衰氣過晒，好野就會不斷湧埋黎

祝各位新年快樂，新一年好事接踵而至

平安BBQ

今個平安夜過得實在好平安，去左XX公司攪左個私家BBQ party，全部都係XX的屋企人，野食種類唔多都係一般果D（竟然唔買雞肉腸，有無攪錯，見人地地方，都係唔好攪事），最好笑係燒到最尾竟然有人羅左兩包菜出泥炒，攪到好似打邊邊咁，我相信如果佢地有買材料，可能會煲埋糖水

生ge美珍珍牌牛肉乾，你燒過未?!
去人地屋企BBQ最好就係有多款醬料任君選擇唔係瓜，炒菜都得

祝各位聖誕快樂

今年有位新成員加入一齊歡度聖誕，所以特別熱鬧，貓奴預備左一大堆貓禮物和貓小食慶祝，一於不醉無歸

頂x10000000000報告出左又唔早响，要帶肥仔番黎覆診又唔出聲，如果你早少少話我知報告出左，咁我就叫XX接肥檬時順便帶埋肥仔出黎，唔使隔兩日再黎排過啦，今日足足等左兩粒鐘已經好想死，就算帶左黎又如何，比你摸兩摸咪又係比番同一隻抗生素我，咁點解唔比我佩葯呢，你講到隻菌咁勁，點都唔會食一、兩個course就斷尾，佩多個course葯比我都唔怕死啦，我D時間都好保貴架，唔係要黎浪費係排隊輪米
種菌種菌，一日到黑剩係識叫人種菌，咁小意思又種乜菌，係咪唔夠錢買餸，要種D菌番去炒，拿拿臨比枝葯膏黎啦，照左燈唔係癬，又話驚會係癬的初期，燈係照唔到，咁你講晒啦，真係嘔血，激拿死我啦

長洲outing...

天晴，超晒，有風，今日同菲菲，oolong，8R，還有久未露面的朱sir 和佢一班學生去長洲出外影。我已經忙記我上次去長洲係何年何月何日，這次回到這個久未踏足的地方，勾起好多回憶，好令人懷念

新／舊建築物，互相輝映 好經典的華威酒店

長洲短毛貓的代表，簡稱＂長短＂

呢隻豬超超超嗲，被一群不相識的人圍住影相，又典地又罷晒pose又叫晒，任影唔嬲，阿婆話佢鍾意影相喎，我地就覺得佢係發情就真

拍牙膏廣告要揾佢啦，你睇佢D牙幾白

好有家教，唔隨便食陌生人的魚，乖

好叻，幫手做隻看舖貓

係好勁，係好醒，真係無得頂，不得不讚一下販家精隊員的精明能幹，去到邊都買到手信，嘻嘻

我都話呢個托盤啱我啦，可以裝到兩餸一湯一飯

一個咁細小的島嶼，夾集了中西文化

５日４夜的放血之旅，終於都完結，開心的時光過得特別快，咁快就要講bye bye， 唔見左班鴨仔幾日，真係好掛住佢地，（（唔知佢地係咪都係咁念呢）），其實今次大部份手信都係買比班鴨，一個gib去，４袋行禮番，要勞動XX山長水遠去機場接我

阿mei幾醒，第一時間去檢查下D 手信


呢架警車，便是此行主要的target．．．．

古古力：好C服

肥肥：好啱我呀，just fit，多謝媽媽
古古力：嘩，我架警警走晒樣，你快D出番黎呀
熊貓：好重呀．．．

Sheba，係另外一個最重要的target．．．．

其他貓野和狗野，小靚靚，你今次有福啦．．．．

人用貓野．．．．

當然唔少得化粧品和護膚品啦．．．．

mei:發達啦，全部都係我用開的牌子泥

作為die hard 粉絲的我，又點會少得呢D敗家野呢．．．




特別鳴謝HLH，如果無左佢．．．呢個紅白藍，我都拎唔到架警車番泥
肥肥：多謝HLH姐姐


最重要多謝一個人，就係唔怕悶、陪伴我地四圍睇貓野、帶我地撘車、食野的朋友仔Miki小姐，好在有佢不斷為我們翻譯，我地可以入去個D menu無圖片的餐廳食飯，好在有佢，我地可以去到好遠的地方又不止於迷路，好多謝你，祝你生活快樂