Welcome 2013

Happy New Year~~ 不經不覺又過一年,真係好快,個囡又就黎3歲,祝願所有人和貓都身體健康,肥肥白白,2013年繼續開心快樂~

肥仔肥妹日

今日係禾愛兒踏入7歲大關，禾祝願佢有更多的7年，一定要身體健康，丫媽錫晒你～今日還有另一位壽星貓兒，便是禾的愛囡肥檬，禾亦祝願佢係彩虹橋過得快活過神仙～

以往每年今日，禾都稱之為肥仔肥妹日，以往怕肥仔小氣，一向都好少提及佢的生日，成日都驚佢養唔大（大迷信），因為肥檬的離世，禾改變了禾的想法，生命不在乎長或短，禾要令牠們在存活下來的每一天感到滿足和開心，貓奴原本打算為4月之星開一個生日會，可惜皇雀會／美滿會／帝國會拒絕貓入會的申請，所以只能在家慶祝，為補償過往的生日，貓奴特別為肥仔準備一個小型宇治抹茶心太軟，可惜最後係一個焗燶左的燒餅，貓奴會繼續努力，直至成功做到一個抹茶心太軟為止～

在此亦順祝另一位4月之星肥鯨生日快樂，貓體健康～

給我最親愛的女兒，爸爸和媽媽永遠都愛你，即使你的肉體已煙消雲散，但你的容貌、聲音、動作、形態.....永遠也留在我們的心裡，永不磨滅，你永遠也是我們家庭中的一份子，你的地位沒人能代替，如果你聽到媽媽的AC，請你回來看看我們吧，屋企的大門永遠為你而開，當你去到彩虹橋無需再匿埋，無人會欺負你，可以開開心心自由自在地食食食和玩玩玩，媽媽最喜歡看見你食餅和飲水，你要回來探媽媽，媽媽好掛住你～

We all love you and miss you~

Rest in peace~
18 March 2007 - 12 November 2011

矇矇

Goodbye to 檬檬～

My dearest Mong Mong
18 March 2007 - 12 November 2011
4.95 kg

再見了檬檬～媽媽永永遠遠會記住你，懷念你，記著你的一舉一動，，你温柔的叫聲（mi..喔）和每晚都要上床幫媽媽做按摩（搓搓搓），你在媽媽心目中是一隻不可多得的貓兒，在媽媽心目中的份量絕不會比其他貓低，你堅信自已是一隻貓，安份守紀地做一隻乖乖貓，媽媽最喜歡看著你食餅餅和飲水，你是最無要求，性格最好最可愛的三色貓，媽媽一生一世都不會忘記的，遇上你是我的幸運，拉囡拉心乾，你永遠也是媽媽的寶貝～

再見了～原諒媽媽吧～原諒媽媽做錯了一個決定，原諒媽媽沒有在你恐惧和離開的時候陪伴在你身邊，原諒媽媽讓你孤單地離開～

Adult to Senior

今日帶左芝古& 囧貓去打針，囧貓今年7歲，開始踏入senior的階段，所以順便幫佢做左貓生第一次的body check，其實都係驗下血，睇下身體各器官的狀況，結果都係一切正常，芝古禾就從來唔擔心，至擔心都係呢隻囧貓，成日唔肯自己食野，有次見佢自己食左好多餅餅，禾讚佢：咁咪叻囡羅，如果媽媽唔係度都要咁叻自己食，佢答禾：車，你點會唔係度jack～咁又係喎，有貓地就有禾，有禾就有囧貓，佢一直都係禾個影子泥～今日磅都好彩仲keep住有3.68 kg，芝古就keep到5.1 kg，再檢查牙仔，囧貓有牙石要安排洗牙啦，芝古呢，E起成棚牙又白又乾淨，可以去拍牙膏廣告，更係啦，禾同Vet講佢乜都咬，點會有牙石～

近排禾自己開始啪蟲草丸黎醫鼻敏感，食緊呢排確實好似好左，所以決定餵埋比同禾有相同病症的CEO食，一於有病醫病，無病補身，之後覺得不如餵埋比囧貓同王母食，反正一個瘦過隻老鼠，一個隻眼仔成日發炎～除左靈芝蟲草丸，王母以前食開的efavet 330，我近排幫佢轉左食regular，叫做keep下啦，不過今年summer實在太熱，又搬左上頂樓屋，間屋日日都焗到似火爐咁，甩毛情況越趨激烈，結果全屋一齊啪丸維生～

貓有貓食的牌子，人有人食的牌子～

王母以前食開330，而家轉食regular，叫做keep下啦～

迫爆貓～

好耐都無出現過啦，兩兄弟又表演春光乍貓，屋的空間細左，活動範圍小左，大家的關係反而變得親密左，禾喜歡這種感覺，是溫暖的，溫馨的，所以禾十分唔捨得賣掉這小屋子，放租也唔捨得，可惜下個月又要回歸大而無當的房子～

兔年新開始

終於捱過左艱苦的虎年，決定重新開始，向擁有健康ge 身體出發，今年班鴨的利是錢，全部用晒係健康食品上，向Vet說不，向抗生素說不，所有鴨今年要增磅～

我家有隻囧貓

由細囧樣囧到大，每次用個鏡頭對住佢，佢就整呢個樣出泥，好難形容佢呢個樣，多得胡杏囧同高登班友，將呢個字發揚光大，而家連毛記都用呢個＂囧＂字作為劇名，貓界就由傻mei做代言貓啦，＜囧貓派一姐＞～

攝於2005年5月

攝於2010年11月