王母娘娘受傷記

其實呢單野發生係24 Aug，點解咁記得，因為適逢當日係小奴最後一堂潛水堂，全日係海底或水中漂浮，所以檬嗲打左好多次電話比我都miss call，直到聽到電話的時候，就係上岸一班友坐定定食野的時候，當時檬嗲話王母娘娘好唔舒服，唔願行，行起黎個背脊拱起，事態不妙，拿拿聲叫檬嗲帶佢去睇vet，但係睇邊個好呢，打去御醫度先醒起佢放假，咁就唯一係去黑面神度輪米，想葯黑面神又fully booked，咁咪睇佢果度另一個vet啦，總知唔睇好過睇，比佢老點我打枝什麼骨針，嚇到我癲，以為真係脊骨有事，仲叫我過幾日無好轉要即刻帶番去，咁確實食左三日消炎葯都無好過，咁咪聽佢講即刻番去覆診羅，又話要驗血，又話要照X-ray，好諷刺地佢話佢第二日係放假ge，會由其他醫生代勞，二話不說地全軍徹退，既然佢話條spine有事，就走去隔離街睇骨科，呢位梁醫生未睇過，只係知佢識針灸，不過佢開果Ｄ消炎葯好使得，食兩滴已經明顯有好轉，未完成整個療程，王母娘娘已經生猛番晒，我地估王母娘娘未必係spine有事，好有可能係對之前打枝4合1疫苗敏感，聽日係療程ge最後一日，應該唔係覆診啦，其實今次真係好多謝奶媽，係百忙之中都幫我不斷做research，無佢係度陪住我地，我地真係拿手唔成世，雖然到最後我地都唔係好肯定王母娘娘點解會發生D咁奇怪ge事，我同檬嗲都好衷心多謝大家對王母娘娘的關心，感激感激，無以為報，有機會再派發蟠桃比各位。

Conclusion，4合1疫苗，唔打好過打!!