小尼姑@第二天

尋晚臨訓前，同檬師太戴上花花，一心念住佢會唔識郁，乖乖係床仔訓，點知今朝一mark大眼唔見佢係身邊，就知佢一定又係貓樹上面訓，點解佢咁叻ge ，戴左花花都可以行動自如，佢食咩奶粉大架，真係無佢修，我其實準備左個籠，但真係唔想困佢入去，只係中門大開，佢想入就入啦，（我從來都唔會迫佢地做D佢地唔想做ge野，由佢地自然發展，我唔想佢地feel到有壓力，又病過）如常地，每朝都要saving private 檬豬，你精佢都唔笨，佢好鬼識咋嬌，見我坐係sofa上網，就扮晒受傷咁喵喵叫要我抱佢上去一齊坐，幾好戲丫，衰女包，就算你唔叫，我都會自動獻身架啦，我都唔想你咁快跳黎跳去，你都係係我視線範圍內覺覺豬我才會安心D，佢係我身邊訓到反轉晒，終於都見到個傷口，都縫左3針，睇真D，差唔多2cm長，家陣成個肚仔無晒毛，見到佢個肚皮係粉紅色架，好可愛，希望個傷口快D埋口，做左大個囡就要聰明D，識上要識落，傳左出去，好瘀架，盟主會笑你架

PS 菲菲& honey，你地得閒就幫我教下佢點樣跳落貓樹啦