通鼻仔

今朝一早帶左肥肥去洗鼻鼻，本來打算9:30去到排頭位，收到XX來電，原來已經9:00，即時蜈蚣彈起身，以極速9秒9出門口，快到差D連主角都唔記得帶出門口，9:45到達，等左差唔多一小時。今朝見佢成條死氣喉被D鼻涕蟲塞死晒，真係好可憐，其實呢個狀況經已持續左一個星期，見一直都無好轉，所以下定決心要賭呢一舖，初步結果係半贏，尋晚番到屋企無再打乞痴，D鼻涕蟲亦消失晒，家陣等緊種菌報告和組織化驗結果，希望D細胞無咩異樣，唔係衰野，阿門．．．．古古力大師，你要加多兩錢肉緊幫你細佬祈褔丫。見咁熱鬧，咪順便帶埋肥檬去check下對眼仔，我都預左，醫生交帶要滴M記眼葯水同抗生素，一個星期後覆診，擔心左成日真係好攰@@