係D4，唔係F4

向各位隆重介紹下我地ge新成員，（隆隆隆隆...鼓聲響起）佢個名叫做鴨檬檬，花名肥花，又可以叫肥檬，肥檬好叻女，我果頭同奶媽通完電話，話佢未開口食野，未去廁所，果頭就聽到肥檬走左去個大貓廁所（即是個Unicharm呢）又開大又開細，跟手番入房食左餅餅，適應力超強，媽媽錫晒你

話說啱啱入門口，大家都對呢位肥妹採取貓丁貓戰術，竟然今次連十三mei都無驚驚厘埋，只係離遠或隔住閘望實，古古力就跳入房監視，肥肥就企圖咬閘突圍，你睇佢個樣幾兇恨

肥妹一於好少理，見大家都無咩異樣，開閘，肥妹即係肥妹，一出閘佢個為食雷達第一時間探測到方向，第一時間去玩水，佢聰明到伸個頭去飲水機射出黎條水柱（無一隻鴨識用咁ge方法飲水），and then四圍去探險，又玩芝士，又玩隧道

肥肥：靚妹，你邊個貓場架，咁大膽黎玩我條隧道。。。

肥檬：你係咪影緊我呀

肥檬：你估下我係邊個