極速傳說

今日終於都開左一包素材廚房比班鴨試食，開始時都有懷疑過係咪真係咁受歡迎，有無買錯呢，結果就係唔使3分鐘就清碟真係影唔切相，再影相我驚我比班兇悍的鴨仔溶左都似，呢班鴨唔係貓咁品，我只不過開個盒打算law包素材出黎姐，已經比人圍，輕輕撕開個吉包，即刻感覺到有六盞死光燈對準我，一倒入面D料出黎，不得了，班鴨即刻進入瘋狂的狀態，有的爆叫，有的邊叫邊dum dum圈，有的好似爬樹咁爬上我身，所以我亦不敢怠慢，以極速的手法將所有材料分三份，我以為古古力唔係咁好魚魚，所以再加D貓友送贈的雞柳入去，所以莫講話拿相機，想用枝spoon混合D魚肉同雞肉都趕唔切，銷路咁理想，睇黎下次真係要大手入貨先得啦