第二次手術成功

肥仔今日做完第二次絕育手術，精神好好，返到屋企好開心，己經可以跳上跳落，不過就無乜食餅餅，無乜玩，成日痴住我腳邊，暫時都未見到佢痾尿尿，唔知係咪廉麻醉藥的關係，佢都係訓覺多，診所姑娘重比左粒割左出黎的睪丸我睇，好似個五毫子咁上下大，個傷口都係半吋到長，係肚臍隔離，所以家陣個肚仔無晒毛，仲好，涼陣陣，反正呢兩日熱到嘔，肥仔好乖豬，無lam傷口，不過佢上次做完第一次絕育手術後都無乜攪個傷口，所以無同佢帶花花，帶左花花佢會好monk爭四圍撞募求撞甩個花花為止。手術成功真係開心，佢尋晚突然又打起乞痴兼流鼻涕，佢體質咁差，初時真係驚佢捱唔到呢個手術，擔心左成日終於都安樂晒，其實唔係醫生話會有機會細胞變異形成惡性腫瘤，我都唔會比佢博呢被舖，希望肥仔今次過左呢關後，以後順風順水，健健康康