貓鬼剃頭

肥肥被污joe野攪，胸口位至加拿大位無晒毛，有個五蚊銀咁大，鬼剃頭咁樣，非常驚嚇，Vet逢星期三開8:30am，今朝一早打電話去預約，都預左佢一定fully booked，所以索性飛的去踩場=walk-in，去到無人所以都唔使等，Vet話佢又唔係撞邪，又唔係生虱，又唔係生癬，應該係被某樣物件刺激到佢敏感，可能係食物，其實我念念下可能係我近排用TH4拖地時落重左手，總之就．．．．一波未平一波又起．．．都係時候去探一探Dr.黃大仙
肥肥好攪笑，一上table已經不斷咕嚕咕嚕，見到個磅，Vet都未話叫佢磅佢已經自己行去訓左落個磅到，重唔想落番黎，咁一場去到，順便問埋Vet佢使唔使減肥，Vet竟然話唔使，重讚佢好標準，5.46kg都話標準，真係不可思意星期三