姐姐黎左啦

今日丫四終於報到啦，四鴨幾like佢，最搞笑係傻mei，好明顯佢認錯呢位姐姐係平時黎開果位鐘點，全程無匿埋喎，仲好似平時咁打芝古，芝古當然第一時間討丫四歡心啦（想收靚乎？），丫四將會訓sofa，sofa平時係芝古ge地盤，如無意外應該今晚芝古會同丫四一齊訓，kakaka~~呢位姐姐好勤力，一入屋就問我有咩做，又有禮貌，廣東話又好，乜都是旦，可能佢本身都有個小朋友係家鄉，都知道黎打工揾錢養家人，唔怪之得佢前一個顧主用左佢六年（佢話，我無證實過），我第一時間教佢剷沙盤同換盤底張尿片，XX仲教佢開飯比班鴨，又教佢洗水機，傻mei好似都幾like佢，要姐姐陪佢食魚魚，你估我可唔可以放心比佢洗鴨呢？？上個禮拜洗左兩隻臘鴨，好想聽日洗埋隻傻mei，不過都係等下先，等佢warm up 下先~~

PS: 如果大家想見到傻mei怒打芝古一片，請你們上黎鴨舍時，記緊打扮成鐘點姐姐咁款，咭咭~~