春光乍．．．．熱

兩位大佬，可唔可以唔好咁搞笑，一係就糖痴豆，一係就大打出手．．．就係禮拜五晚訓到半夜，隻腳好痺，於是乎將本來訓左係我左腳ge芝古，搬左去右邊，點知驚動左原本訓係我右腳ge肥熊哥，初則口角，繼而動武，係張床度碌黎碌去，拳來腳往，踢到我醒左訓唔番，走左出去打左一陣機，我一出去，肥熊哥又跟住我出去陪住我打機，直到開始天光，我又訓番．．．．尋日行完一日街，熱到死死下，一入屋見到兩條友仔一人伸左一半出街挨住訓左，隨手拿起相機拍底呢個情景．．．更係又係度爭地盤訓覺，各不相讓，最後迫得濟一人一半跌左出街，塞住個門口啦，睇黎呢個lone，好大機會會跟我地去新屋．．．．