古古力原來有病．．．．
叫做異嗜癖，係心理病，資料是來自sugar媽提供的一個網頁http://www.wretch.cc/blog/douhuidema&article_id=6067428，網頁上所描述的行徑跟古古力的所作所為完全吻合，我有理由相信，古古力真係患有呢個病，咁個問題係究竟點醫好呢個病呢？阿Tom實以為我痴左，上次我同佢講古古力好鍾意咬衫、之前已經食左好多野落肚等等，佢就話：佢又無嘔、又無唔食野、又唔係無精神，無乜野呀．．．．比佢吹Q漲，所以佢實唔信有呢家野，真係傷腦根
會唔會我平時比好多壓力佢自己唔知呢
，但係睇佢個傻樣，又唔似係會自殺ge貓，呢個仔一向令我最放心，佢無咩要求，無乜需要特別打理，可能因為咁我就忽略左佢，佢一定以為我唔錫佢
，我只係知道佢一向好驚吹風筒聲和吸塵機ge聲音，每次一聽到呢D聲就走夾唔頭，死啦，攪到我個心好羅羅攣呀，有無高人指點迷津呀，今次古古力大師自身難保呀Labels: 杏短
posted by Ah duck @ 5/05/2007 03:47:00 PM
4 comments
4 Comments:
妳講真定講笑架???唔會有乜乜異嗜癖呀???
um...如果連妳自己都覺得係比較忽略古古力
的話,咁就真係要放多啲時間陪下佢反下囉!!
或者直接問下佢))妳有乜服侍不周都得:p
放心喎...唔好自己嚇自己啦=.="
唔駛咁擔心噃，我唔覺得古古力有咩問題，我覺得佢係一隻唔鍾意冇嘢做嘅貓啫，同埋佢心底裡其實都幾唔鍾意悶（唔鍾意唔代表怕噃），佢唔鍾意停落嚟，所以不停搵嘢做。如果你真係驚，可以先試吓餵維他命B，雖然我唔知對呢個症有咩幫助，不過最少對佢有益冇害，一試亦無妨。
（話時話我平時冇乜事做嗰陣，都會咬手指，但係我冇自殺傾向噃...XD...）
同意靜儀的講法,連你自己都懷疑的原因,首要就試下解決先,都唔得,再找一個啱channel的醫生傾下吧,就算阿tom有幾叻,唔夾就係唔夾,試下轉睇多一兩個醫生吧.
唉呀...我諗住攪笑貼比你睇...點知你真係咁認真。咁古古力咁大壓力, 一定要過黎Sugarland到渡下假先得啦~
Post a Comment
<< Home