駝鳥政策

每當阿媽唔係屋企時佢間房房門就會關上，慎防古古力走入去攪破壞，所以一有機會個傻佬就會以九秘九的速度衝入去跳上床揀個最舒服的位子睡覺，有一朝試過阿媽唔知佢原來又鼠左入去就關上門去飲早茶，肥仔就好緊張咁走黎叫醒我，不過實在太眼訓無理佢，漸漸聽到抓沙盆的聲音，聲音維持左好耐，重越抓越大聲，我有D好奇，走去廁所睇下，又無貓痾近野喎，聲音好似來自阿媽間房，一開門古古力就一枝箭咁飛出黎，原來之前的聲音係個傻佬的抓門聲，呢兩張相攝於有晚我偷偷地入房裝佢，睇下佢平時最鍾意訓係邊個位，佢以為我入黎趕鴨就即刻厘埋係張被下，凸左個大pet pet出黎，駝鳥政策